Cofrestru / Mewngofnodi
Sut ydw i’n cofrestru fy ysgol?
Llenwch fanylion eich ysgol ar registration page y Big Pedal.
Beth yw rhif DfE / SEED / Inst Ref? (Byddwch angen hwn i gofrestru)
Mae gan ysgolion Cymru a Lloegr rif DfE saith digid. Mae’n cynnwys rhif ALl yr ysgol (tri digid) ac yna ei rhif Sefydliad (pedwar digid). )Chwiliwch am y rhain, neu holwch yn swyddfa eich ysgol.
Mae gan ysgolion Cymru a Lloegr rif SEED saith digid. Chwiliwch am eich rhif chi, neu holwch yn swyddfa eich ysgol.
Mae gan ysgolion Gogledd Iwerddon rif Inst Ref saith digid. Chwiliwch am eich rhif chi, neu holwch yn swyddfa eich ysgol.
Rwy’n gydlynydd teithio ysgol / swyddog beicio ysgol Sustrans. A allaf gofrestru fy ysgolion ar eu rhan?
Gallwch gynnig helpu eich ysgolion i gofrestru, ond rydym yn argymell eich bod yn gofyn i aelod o staff yr ysgol gofrestru eu hysgol neu’u dosbarth gan y bydd angen iddynt gofnodi a chyflwyno eu canlyniadau yn ddyddiol.
Dim ond un cyfeiriad e-bost a ellir ei gofrestru ar gyfer y rhai sy’n cymryd rhan yn yr her ysgol gyfan, a defnyddir hwn wrth gofnodi siwrneiau beicio neu sgwtera yn ystod yr her.
Rydw i wedi anghofio fy nghyfrinair / hoffwn newid fy nghyfrinair. Beth ddylwn ei wneud?
Pan fyddwch yn mewngofnodi cewch ddewis i ailosod eich cyfrinair.
• Rwy’n cael trafferth mewngofnodi. Beth ddylwn ei wneud?
Gwnewch yn siŵr eich bod yn defnyddio’r cyfeiriad e-bost y gwnaethoch ei ddefnyddio i gofrestru eich ysgol a’r cyfrinair y gwnaethoch ei greu wrth gofrestru.
Weithiau bydd problemau gyda’r cysylltiad rhyngrwyd felly mae’n werth rhoi sawl cynnig arni. Os ydych yn dal i gael trafferth anfonwch e-bost at bigpedal@sustrans.org.uk am gymorth.
Cymryd rhan
Pwy all gymryd rhan yn y Sustrans Big Pedal 2019?
Gall POB ysgol yn y DU gymryd rhan yn y Big Pedal Sustrans (cyn belled bod ganddynt rif DfE, SEED neu Inst. Ref – beth yw’r rhain?) Gall disgyblion, rhieni a gwarcheidwaid, a staff ysgolion sy’n cymryd rhan ymuno. Os oes gennych 35 o blant neu lai ar gofrestr eich ysgol, cofrestrwch ar gyfer y gystadleuaeth dosbarth.
Pa siwrneiau eraill, heblaw rhai beicio, sy’n cyfrif tuag at y Sustrans Big Pedal?
Mae siwrneiau ar sgwter, ar droed, a siwrneiau cadair olwynion oll yn cyfrif yn gyfartal yn Her y Big Pedal.
Beth yw’r categorïau?
Mae’r categori y cewch eich cofrestru ar ei gyfer yn dibynnu a ydych chi’n cofrestru fel dosbarth neu fel ysgol, ac a ydych yn cymryd rhan yn yr her undydd neu’r her bum niwrnod. Rydych yn cystadlu i ennill safle cyntaf, ail neu drydydd o fewn eich categori yn ystod yr her. Y categorïau ar gyfer 2018 yw:
- Ysgol gyfan – her bum niwrnod – Ysgol gynradd fach (llai na 250 o ddisgyblion)
- Ysgol gyfan – her undydd – Ysgol gynradd fach (llai na 250 o ddisgyblion)
- Ysgol gyfan – her bum niwrnod – Ysgol gynradd fawr (250 o ddisgyblion neu ragor)
- Ysgol gyfan – her undydd – Ysgol gynradd fawr (250 o ddisgyblion neu ragor)
- Ysgol gyfan – her bum niwrnod – Ysgol uwchradd
- Ysgol gyfan – her undydd – Ysgol uwchradd
- Dosbarth – her bum niwrnod – Ysgol gynradd fach (llai na 250 o ddisgyblion)
- Dosbarth – her undydd – Ysgol gynradd fach (llai na 250 o ddisgyblion)
- Dosbarth – her bum niwrnod – Ysgol gynradd fawr (250 o ddisgyblion neu ragor)
- Dosbarth – her undydd – Ysgol gynradd fawr (250 o ddisgyblion neu ragor)
- Dosbarth – her bum niwrnod – Ysgol uwchradd
- Dosbarth – her undydd – Ysgol uwchradd
Beth os gwnaf gofrestru fel dosbarth ond wedyn mae'r ysgol gyfan eisiau cymryd rhan?
Gallwch newid eich gosodiadau hyd ddiwrnod cychwyn y gystadleuaeth. Os yw’ch ysgol gyfan yn dymuno cymryd rhan, gallwch newid eich gosodiadau a chofrestru fel ysgol
Rydym yn ysgol Anghenion Addysgol Arbennig (AAA). A allwn ni gymryd rhan?
Gallwch, gall ysgolion AAA gystadlu hefyd. Os yw eich disgyblion yn gallu beicio, cerdded, defnyddio cadair olwynion neu deithio ar sgwter i’r ysgol yna gallwch gofrestru ar gyfer Y Big Pedal fel unrhyw ysgol arall a chyfri’r siwrneiau a wneir i’r ysgol.
Fodd bynnag, os yw’r rhan helaeth o’ch disgyblion yn methu beicio, cerdded, defnyddio cadair olwynion neu sgwtera i’r ysgol yn rheolaidd, gallwch gymryd rhan yn ein her undydd. Caiff ysgolion sy’n cymryd rhan yn yr her undydd ddefnyddio beiciau cronfa’r ysgol a beiciau llonydd a chyfrif siwrneiau a wnaed yn yr ysgol – mae gan staff yr ysgol y disgresiwn i benderfynu beth sy’n cyfrif fel un siwrnai, gan ystyried gallu’r disgybl.
Beth sy’n cyfrif fel siwrne yn yr her bum niwrnod?
Caiff ysgolion/dosbarthiadau sy’n cymryd rhan yn yr her bum niwrnod gofnodi un siwrne ar gyfer bob plentyn bob diwrnod os gwnaethant feicio, gerdded neu sgwtera i’r ysgol. Dylai o leiaf hanner eu siwrne (o ran amser) fod wedi’i gwneud ar feic neu sgwter er mwyn i’r siwrne gyfrif.
Beth sy’n cyfrif fel siwrne yn yr her undydd?
Gall y rhai sy’n cymryd rhan yn yr her undydd gynnwys gweithgaredd beicio, cerdded a sgwtera yn ystod y diwrnod ysgol. Os yw disgybl yn gwneud o leiaf 30 munud parhaus o weithgaredd beicio, cerdded neu sgwtera yn ystod y diwrnod ysgol, caiff hyn gyfrif fel un siwrne ar gyfer yr her. Fodd bynnag, dim ond un siwrne fesul diwrnod y caniateir i chi ei gofnodi ar gyfer bob disgybl. Felly, os yw disgybl yn beicio/cerdded/sgwtera’n barhaus am o leiaf 30 munud yn ystod y diwrnod ysgol AC yn beicio/cerdded/sgwtera i’r ysgol y diwrnod hwnnw, bydd hyn yn cyfrif fel un siwrne yn unig.
Beth sy’n cyfrif fel siwrnai cefnogwr?
Siwrnai cefnogwr yw taith a wneir i’r ysgol gan staff yr ysgol neu gan rieni / brodyr a chwiorydd / gwarcheidwaid sydd wedi dod gyda’r disgybl ar eu taith i’r ysgol. Rhaid i’r cefnogwyr hefyd fod wedi gwneud y daith ar feic, ar droed neu ar sgwter.
Nid yw siwrneiau cefnogwyr yn cyfrif tuag at sgôr ysgol/dosbarth, ond cânt eu defnyddio i bennu tîm buddugol os bydd sgôr gyfartal. Mae sgorau cyfartal yn digwydd bob blwyddyn, felly mae’n werth cofnodi eich holl siwrneiau cefnogwyr.
• A oes modd cymryd rhan ar ddyddiau penodol o’r her yn unig?
Oes. Mae’r Big Pedal yn cynnig opsiwn her bum niwrnod neu her undydd. Caiff ysgolion gofnodi siwrneiau ar bob un o 10 diwrnod yr her ar gyfer y ddau opsiwn, fodd bynnag y pum niwrnod, neu un diwrnod, gorau a ddewisir ar gyfer eich sgôr derfynol, yn dibynnu ar ba her a ddewisoch. Fodd bynnag, po fwyaf o ddyddiau rydych chi’n cymryd rhan, y gorau yw eich cyfle o nodi cyfradd cyfranogi uwch a’r gorau yw eich siawns o ennill yn ein raffl wobrau dyddiol.
Sut allaf weld pa ysgolion yn fy ardal i sy’n cymryd rhan?
Mae rhestr o’r ysgolion sydd wedi cofrestru ar y wefan a gallwch eu chwilio yn nhrefn y wyddor, yn ôl enw ysgol neu yn ôl Awdurdod Lleol. Neu gallwch weld y map o’r ysgolion sy’n cymryd rhan.
Sut mae ysgolion yn cofnodi eu siwrneiau beic a sgwter unwaith y bydd yr her yn mynd rhagddi?
Gwnewch yn siŵr eich bod yn lawrlwytho eich dalennau cofnod dosbarth ar gyfer eich holl ddosbarthiadau o’r dudalen adnoddau. Bydd athrawon yn cofnodi siwrneiau eu dosbarth ar y dalennau hyn. Yna bydd ysgolion yn mewngofnodi i dudalen hafan eu hysgol ar wefan y Big Pedal Sustrans bob dydd ac yn cofnodi nifer y siwrneiau ar feic, ar droed ac ar sgwter a wnaed ym mhob dosbarth. Os ydych chi’n cofrestru fel dosbarth unigol, cofnodwch y data yn syth ar eich tudalen hafan.
Mae athrawon yn cofnodi siwrneiau eu dosbarth ar y taflenni hyn. Mae’r ysgolion wedyn yn mewngofnodi i dudalen eu hysgol ar wefan Sustrans Big Pedal bob dydd ac yn cofnodi’r nifer o deithiau beicio, cerdded a sgwtera a wnaed ym mhob dosbarth.
Sylwer: I ymddangos ar y byrddau arweinwyr dyddiol ac i gael eich cynnwys yn y raffl wobrau ddyddiol, mae’n rhaid i ddosbarthiadau gofnodi eu siwrneiau erbyn 9yb ar y diwrnod ysgol canlynol. Er mwyn i’ch siwrneiau gyfrif tuag at ganlyniadau cyffredinol yr her, mae’n rhaid cofnodi’r holl ganlyniadau ar y wefan erbyn canol dydd ddydd Mercher 10 Ebrill.
Beth sy’n digwydd os nad ydw i’n cofnodi siwrneiau fy ysgol erbyn y terfyn amser o 9yb bob dydd?
Er mwyn i ddata eich siwrneiau gael ei werth llawn a chyfrif tuag at drefn pwyntiau pob diwrnod, rhaid i’r canlyniadau ar gyfer y diwrnod gael eu cofnodi erbyn 9am y diwrnod canlynol.
Os byddwch yn methu â chofnodi cyn yr amser terfyn, bydd eich pwyntiau am y diwrnod hwnnw yn cael eu hychwanegu at eich sgôr gyffredinol, fodd bynnag ni fydd eich ysgol yn symud i fyny’r bwrdd arweinwyr dyddiol. Os byddwch yn methu â chofnodi rhai dosbarthiadau cyn yr amser terfyn, bydd y siwrneiau a wnaethoch eu cofnodi yn dal i gyfrif tuag at eich cyfanswm dyddiol.
Caniateir i ysgolion gofnodi eu data hyd at hanner dydd ddydd Mercher 10 Ebrill, os ydynt yn cael anhawster cofnodi eu siwrneiau yn ddyddiol.
SYLWER: Os cofnodir bob siwrne ar 10 Ebrill, byddant yn cyfrif at eich safle cyffredinol yn yr her, ond nid eich safle dyddiol. Ni fyddwch yn gymwys i gael eich cynnwys yn y rafflau gwobrau dyddiol os cofnodwch eich canlyniadau ar 10 Ebrill.
Sut mae’r raffl wobrau dyddiol yn gweithio?
I gael eich cynnwys yn y raffl wobrau, mae’n rhaid i chi gofnodi eich siwrneiau ar wefan y Big Pedal erbyn 9yb y diwrnod ysgol canlynol. Er enghraifft, i gael eich cynnwys yn y raffl wobrau ar gyfer Diwrnod 1 (dydd Llun 25 Mawrth), mae’n rhaid i siwrneiau gael eu cofnodi erbyn 9yb ar Ddiwrnod 2 (dydd Mawrth 26 Mawrth). Bydd enillydd gwobr ddyddiol yn cael ei ddewis ar hap bob diwrnod o blith yr holl ysgolion/dosbarthiadau sydd wedi cofnodi o leiaf 15% o’u disgyblion yn beicio, yn cerdded neu’n sgwtera i’r ysgol y diwrnod hwnnw.
Adnoddau
Nid wyf wedi derbyn fy adnoddau hyd? yma
Bydd adnoddau yn cael eu hanfon allan i ysgolion o fis Chwefror ymlaen. Er mwyn derbyn eich adnoddau mewn pryd, sicrhewch eich bod yn cofrestru’n ddigon cynnar. Os byddwch chi’n cofrestru ar ôl yr 4 o Mawrth, ni allwn warantu y bydd yr adnoddau yn cyrraedd cyn dechrau’r her.
Canlyniadau
A yw’r gystadleuaeth yn deg i ysgolion bach / mawr?
Ydy, mae’r gystadleuaeth yn deg i ysgolion o bob maint. Wrth gofrestru bydd ysgolion yn nodi’r nifer sydd ar y gofrestr a chyfrifir eu pwyntiau ar gyfer y dyddiau drwy gyfrifo canran y disgyblion sydd wedi beicio neu sgwtera i’r ysgol mewn perthynas â maint yr ysgol neu’r dosbarth.
NODER: rhaid cofnodi’r nifer sydd ar y gofrestr yr ysgol yn gywir. Gwiriwch bod eich nifer yn gywir cyn dechrau’r gystadleuaeth trwy edrych ar dudalen gosodiadau eich ysgol.
A yw’r gystadleuaeth yn deg i ysgolion bach / ysgolion mawr?
Ydi, mae’r gystadleuaeth yn deg i ysgolion o bob maint. Mae ysgolion yn cofrestru eu cofrestr ysgol gyfan neu ddosbarth unigol neu grŵp blwyddyn, a caiff eu sgôr ddyddiol ei greu trwy gyfrifo’r canran o ddisgyblion sydd wedi beicio, cerdded neu sgwtera i’r ysgol o blith maint eu hysgol, grŵp blwyddyn neu ddosbarth.
SYLWER: Rhaid cofnodi’r nifer ar gofrestr yr ysgol/dosbarth yn gywir, felly gwiriwch ei fod yn gywir cyn dechrau’r gystadleuaeth ar dudalen gosodiadau eich ysgol.
Sut caiff y canlyniadau eu cyfrifo ar gyfer pob ysgol bob dydd?
Po fwyaf o siwrneiau beic, cerdded a sgwter a wneir gan ddisgyblion bob dydd, gorau fydd eich canlyniad. Seilir sgorau ar y ganran o’r cyfanswm disgyblion yn eich dosbarth neu ysgol sy’n cymryd rhan, yn hytrach na chyfanswm y nifer o gyfranogwyr.
Sut y gallaf wirio cynnydd fy ysgol?
Yn ystod y ras bydd safleoedd ysgolion ar gael yn gyhoeddus yn ddyddiol ar y wefan. Gan fod ysgolion yn cael cofnodi canlyniadau yn ddyddiol neu ar ddiwedd yr Her, ceir darlun mwy cywir o’u cynnydd ar ddiwedd yr Her.
Sut fyddaf yn gwybod a yw fy ysgol wedi ennill?
Ar ddiwedd y gystadleuaeth cyhoeddir y canlyniadau ar y wefan a bydd y trefnwyr yn anfon e-bost at bob ysgol sydd wedi ennill gwobr.
Beth sy’n digwydd os bydd sgôr gyfartal?
Pe bai sgôr gyfartal, rhoddir y safle uwch ar y bwrdd arweinwyr i’r ysgol gyda’r canran uchaf o siwrneiau cefnogwyr. Os yw’n parhau i fod yn gyfartal, tynnir y safle terfynol ar hap.
Beth fydd yn digwydd os enillwn ni?
Rhoddir tlws neu dystysgrif Big Pedal i’r rhai yn y tri safle uchaf ar y byrddau arweinwyr cenedlaethol. P’un a ydych wedi ennill ai peidio, gall bob ysgol a dosbarth argraffu eu tystysgrif Big Pedal eu hunain, sydd ar gael i’w lawrlwytho o dudalen adnoddau gwefan y Big Pedal
Rhagor o gwestiynau? Cysylltwch â thîm Big Pedal Sustrans: bigpedal@sustrans.org.uk